مسلسل “رحمة” أكثر مسلسل هاد لعام عجب الناس فرمضان وتفاعلوا معاه لدرجة أنهم ولاو باغين يعطيو لرحمة حلول كاع بقوة التعاطف مع الشخصية ديالها فالعمل. وهنا السؤال علاش الناس بغاو رحمة؟ ثلاثة ديال الأسباب فنظرنا خلات المسلسل ينجح.

1: الظلم والحكرة

الحاجة اللولة هي الظلم والحݣرة اللي تعرضات ليهم البطلة رحمة من عند راجلها، و اللي ماخلا ما دار فيها بداية من الضرب للمعيور وملي سالا منها وبان ليه أنها ماقادراش تجيب ليه الدري بالصفات اللي باغي هوا، لاحها هي وولادها للزنقة.

2: شخصيات من الواقع

النقطة الثانية اللي نجحات المسلسل هي الواقعية. رحمة وداود شخصيات كاينين فالمجتمع المغربي وعدد من لعيالات اللي كيتفرجوا فلمسلسل دازو من نفس التجربة فشافو راسهم فالمسلسل وحتا اللي معاشهاش شخصيا فبنسبة كبيرة هيكون كيعرف مرا دازت من نفس التجربة.

3: الأم الصبارة

الحاجة الثالثة هي الصبر. حينت رحمة، فحال أغلبية الأمهات المغربيات، واخا يكونو ولادها كيما كانوا، كا يربيوهم مزيان ويوفرو ليهم اللي بغاو وغادين يصبروا على كولشي ويحفروا فلحجر على قبلهم.

4: منى فتو

وأخيرا النقطة الرابعة هي منى فتو، الممثلة وبطلة المسلسل اللي عطات للشخصية حقها وحطاتها كي خاصها تكون بلا ما تحتاج لا تندب لا تنخصص لا تغوت.
فالخلاصة رحمة نجح وعجب الناس حينث مغربي.