قدر فريق اتحاد يعقوب المنصور يحقق إنجاز تاريخي، بعد ما ضمن الصعود ديالو لأول مرة للقسم الوطني الأول للبطولة الوطنية المغربية لكرة القدم “البطولة برو”.
وجا الصعود ديال اتحاد يعقوب المنصور رسميا مور التعادل السلبي 0-0 أمام مضيفه الكوكب المراكشي، ماتش اللي كان فملعب مراكش الكبير، فالجولة الأخيرة من البطولة الاحترافية الثانية.
مهدي جابري
هاد الإنجاز هو تتويج لجهود اللاعبين والفريق التقني بقيادة المدرب مهدي جابري، اللي فعلا بين أنه مدرب عندو مايقول وقدر يدخل لتاريخ ديال إتحاد يعقوب المنصور ويوصلهم ينافسو لفراقي لكبار فالمغرب.