عبر المخرج أنور معتصم وعدد من أبطال فيلم”أطومان” اللي كيلعب البطولة ديالو يوسف أقديم، المعروف ب”لارتيست”، في أول تجربة عندو فالسينما، على الفرحة ديالهم بالمشاركة فالفيلم اللي كيتعتابر أول فيلم سينمائي مغربي كيهضر على بطل خارق من إفريقيا.

أجواء التصوير بالضحك والنشاط

وعبر “لارتيست“، نجم الموسيقى والغناء، على الفرحة ديالو بهاد التجربة اللي بغا يتقاسمها مع الجمهور ديالو، وقال باللي استمتع بالأجواء مع فريق العمل اللي كان فيها الضحك والنشاط فالمدة ديال التصوير كاملة اللي فاتت شهرين ونصف فعدد من المدن المغربية، ووجه رسالة للجمهور ديالو باش أنهم يجيو يتفرجو فالفيلم ويشوفو أول بطل خارق مغربي.

وقالت سارة برليس، البطلة ديال “أطومان” بلي الأجواء ديال التصوير عجباتها، خصوصا أنها هي و”لارتيست” أمازيغيين، فبالتالي كانوا مفاهمين، وأيضا المخرج أنور معتصم معروف بأنه الأفلام ديالوا كيدوزو فأجواء فيهم الضحك والنشاط.

وقال أنور معتصم، مخرج الفيلم، فالتصريح ديالو قدام الصحافة، بمناسبة العرض ما قبل الأول للفيلم فميغاراما، أن الفكرة ديال “أطومان” هو يكون بطل خارق ولكن ماشي بالمفهوم الأمريكي المعروف، إنما يكون كيشبه لمغاربة، والقوة ديالو كيجبدها من التاريخ والتقاليد المغربية.

التفاصيل غادي تلقاوها فالفيديو اللي صورو إلياس بوخريص: