بعدما أشاد الجميع بإنجاز المنتخب الوطني في بطولة “دوري الملوك” برئاسة “الستريمر” إلياس المالكي، خرج مصطفى لفكاك، صانع المحتوى المعروف بـ”سوينغا“، بتدوينة أثارت الجدل، حذر من خلالها أولياء الأمور والآباء من تطبيع أبنائهم المراهقين مع “اللا أخلاق”، في إشارة إلى سلوك المالكي في “لايفاته”.

تدوينة “سوينغا” 

وقد جاء في التدوينة التي نشرها سوينغا عبر صفحته على “فيسبوك”: “والله ما عرفت كيفاش نعبر على الأفكار اللي كايدورو فراسي حاليا وأنا كنشوف بزاف ديال المغاربة فرحانين بتأهل المنتخب لنصف نهائي دوري الملوك، خليط من التعجب والدهشة والحسرة والفرحة”.

وأضاف متسائلا: “أليس فيكم رجل رشيد؟ هاد الفكرة هي اللي كاتدور ليا في الذهن كل ما نشوف أحد الإعلاميين كيحكي بإفتخار عن الإنجاز اللي تحقق، الإنجاز هو التغلب على الحكرة اللي قاست بزاف ديال الحوايج عميقة في داخلنا كمغاربة، منتخب محكور وتحكر غادي يتأهل على غير المتوقع، قصة ملهمة أو زوينة، قصة الحصان الأسود اللي ديما تلفت الانتباه، قصة اليوم كيعاودوها الأطفال قبل من الكبار، وهنا فين كنتعجب بحسرة.. في كأس العالم، وليد الركراكي زرع أفكار رائعة في ذهن المغاربة، أفكار الإيمان بالنفس والعمل المستمر والنية، وحقق إنجازا جديرا بالفخر على مر التاريخ”.

وتابع: “أشنو هي الأفكار اللي كياخدوها ولادنا من بعد ما تسالي هاد الحفلة؟ واش النجاح كيساوي السبان والمعيور والقذف؟ أشنو هي القدوة اللي غادي نخلقوها لولادنا، الفئة الأكثر مشاهدة لهاد الدوري من هنا لقدام؟، التطبيع مع اللا أخلاق؟ واش الأهم هو الشهرة والفلوس بغض النظر عن كيفاش؟ فعلا حرت وصعيب توقف برأي مخالف قدام حشود فرحانة، ولكن ردوا لبال، راه فعلا ولادنا في خطر”.

آراء المتابعين 

وقد عرفت تدوينة سوينغا تفاعلا كبيرا من قبل المتابعين، الذين عبروا عن آرائهم المختلفة بشأن الموضوع، وانتقد عدد كبير منهم هذه التدوينة قائلين “بغيتي تركب على الموجة”، فيما علق البعض الآخر: “المهم ماشي السبان.. المهم هو نحبسو من الحكرة ونتيقو فولاد البلاد”.