بعد انطلاق الحلقة الأولى من البرنامج الجديد “النجم الشعبي” على القناة الثانية، تعرضت الفنانة نجاة اعتابو، وهي عضو لجنة تحكيم البرنامج، لانتقادات واسعة وهجوم قوي بسبب تعليقها على أحد المتسابقين، حيث وصفها الجمهور بالتكبر والقسوة.

رد نجاة عتابو

وفي ردها على الهجوم الذي تعرضت له، قالت نجاة اعتابو في تدوينة نشرتها على صفحتها الرسمية بمنصة “انستغرام”: “سلام حبابي الأعزاء، بغيت غير نوضح واحد المسألة.. برنامج النجم الشعبي أمانة على عاتقي، وخصني نكون حقانية وصارمة باش المتباري ياخد كلامي بعين الاعتبار، لأن أكيد نصائحي غادي تنفعو.. كاين فرق بين الصرامة والقسوة، وباقي غتشوفوني صارمة أكثر، وهاد الشي من غيرتي على تراثنا وفننا.. حنا سنين في الميدان، وحتى حنا غلطنا وتعلمنا، وأنا معروفة عليا أنني صريحة.”

وأضافت نجاة اعتابو بخصوص الفيديو الذي لقي تداولا واسعا، يظهر فيه أحد المتسابقين وهو يقدم إحدى الأغاني الشعبية باحترافية وتمكن كبيرين، لتعلق نجاة وباقي أعضاء اللجنة بأنه متكبر ولم يشعر بالتوتر: “فمنين قلت للمتباري إنه ما عطاناش اعتبار، كلنا لاحظنا هاد الشي في اللجنة، ولي وقفت على هاد الملاحظة هي أنا ولالة زينة. حيت فعلا أول شرط لنجاح الفنان واستمراريته هو التواضع راه اللقطة تعاودات ولاحظنا هاد الشي، وعاد قلناه وكون ماكانش موهوب ماكناش غنعطيوه صوتنا، وبلا ما نحرق ليكم البرنامج لأن نصائحنا هي لي خلاتهم يمشيو بعيد”.

مسؤولية كبيرة 

وأكملت: “ولا يعقل نبقا غير كنمدح ونكذب عليهم، ولكن هاد الشي مغينفعهم فوالو كلنا كنعرفو أن الإنسان إذا دويتي معاه بالضحك ماكيخدش الهضرة بعين الاعتبار، وإذا دويتي بصرامة راه كيتمعن في كلامك”.

مضيفة: “وكان هذا هو المقصود في الأول وفي الأخير، راه بحال ولادي، بغيت نشوفهم ناجحين ونخرجوا من هاد البرنامج فنانين كما تمنوا يشوفوهم”.