خرج الفنان طه تفراوي، المعروف ب”بلاي ليست”، الجديد الفني ديالو اللي سماه” love chronicles” ، واللي جمع فيه كاع الأغاني لي “سينغل” اللي خرج فالمسار الفني ديالو، بالإضافة لأغنية جديدة مع الفنانة راضية نصاف.

love chronicles

بخصوص الهدف من هاد الخطوة، أكد “بلاي ليست“، فاتصال مع “آش نيوز“، باللي ما بقاش باغي الأغاني ديالو يبقاو مفرقين، وفنفس الوقت الجمهور ديالو يقدر يسمع لجميع الأغاني اللي خرج دقة وحدة.
وقال “بلاي ليست” بلي هاد الخطوة كان هو وفريق العمل ديالو موجدينها من أول أغنية خرج، غي الجمهور مردش البال بحيث كان كيحط بجانب إسم أي أغنية هاشتاغ “love chronicles”.
أما بخصوص الجديد الفني، فقال “بلاي ليست” بلي خدام على “mixtape” اللي غادي يخرج هاد العام، ولكن مزال مغاديش يحدد التاريخ بالضبط حتا يساليه.